Atvinnuleysisbætur
Sjálfstætt starfandi eiga rétt á atvinnuleysisbótum, líkt og aðrir á vinnumarkaði, hafi þeir greitt tilskilin opinber gjöld reglulega og tilkynnt um stöðvun rekstrar til skattyfirvalda.
Sjálfstætt starfandi eiga rétt á atvinnuleysisbótum, líkt og aðrir á vinnumarkaði, hafi þeir greitt tilskilin opinber gjöld reglulega og tilkynnt um stöðvun rekstrar til skattyfirvalda.
Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Vinnumálastofnun afgreiðir umsóknir um atvinnuleysisbætur.
Til að sjálfstætt starfandi einstaklingur geti fengið atvinnuleysisbætur þarf hann að hætta rekstri sínum með formlegum hætti og leggja fram hjá Vinnumálastofnun afrit tilkynningar til launagreiðendaskrár ríkisskattstjóra um að hann hafi stöðvað rekstur og að öll starfsemi hafi verið stöðvuð.
Ákvörðun atvinnuleysisbóta byggir á að eftirfarandi gjöld hafa verið greidd:
Fullar eða hlutfallslegar bætur
Til að eiga rétt á fullum atvinnuleysisbótum þarf sjálfstætt starfandi einstaklingur að hafa greitt staðgreiðsluskatt af reiknuðu endurgjaldi í samræmi við viðmiðunarfjárhæðir ríkisskattstjóra samfellt í tólf mánuði áður en sótt er um bætur.
Ef tryggingagjald hefur verið greitt skemur en 12 mánuði, en þó lengur en 3 mánuði, á síðustu tólf mánuðum áður en sótt er um, á viðkomandi rétt í samræmi við fjölda þeirra mánaða sem hann hefur greitt staðgreiðsluskatt.
Ef reiknað endurgjald umsækjanda er lægra en viðmiðunarfjárhæðir ríkisskattstjóra getur það leitt til þess að einstaklingur á aðeins rétt á hlutfallslegum bótum eða jafnvel engum, þar sem bótaréttur byggist á greiðslu staðgreiðsluskatts af reiknuðu endurgjaldi sem nemur að lágmarki þessum viðmiðunarfjárhæðum.
Því er mikilvægt fyrir sjálfstætt starfandi einstaklinga að fylgja viðmiðunarfjárhæðum ríkisskattstjóra við ákvörðun á reiknuðu endurgjaldi til að tryggja sér fullan rétt til atvinnuleysisbóta, ef til þess kemur.
Fyrstu tvær vikurnar eru greiddar grunnatvinnuleysisbætur svo tekur við tekjutenging bótanna í þrjá mánuði.
Gerð er krafa um þeir sem fá greiddar atvinnuleysisbætur séu skráðir sem atvinnuleitendur hjá Vinnumálastofnun og fylgi þeim leiðbeiningum sem stofnunin setur. Sá sem fær greiddar atvinnuleysisbætur þarf að vera tilbúinn að taka við hvaða lögmætu starfi sem er í samræmi við hæfni sína og heilsufar.
Gögn þessi koma frá BHM, seinast uppfærð 16. janúar 2026.