Fyrir fjölmiðla
Viska er almennt stéttarfélag fyrir sérfræðinga á vinnumarkaði. Félagið er stærsta aðildarfélag BHM og stærsta stéttarfélag háskólafólks á Íslandi. Félagsfólk Visku starfar bæði á almennum og opinberum vinnumarkaði.
Viska varð til í byrjun árs 2024 við sameiningu nokkurra stéttarfélaga háskólafólks. Félagið byggir á norrænni fyrirmynd og innan félagsins starfa fjölbreytt félagsnet og kjaradeildir. Félagsfólk geta þau orðið sem lokið hafa eða eru í háskólanámi, eða sambærilegu námi, og þau sem gegna sérfræðistörfum sem krefjast þekkingar sem alla jafnan er á háskólastigi.
Tengiliður við fjölmiðla
Gauti Skúlason (gauti@viska.is) sér um samskipti og markaðsmál fyrir Visku, fjölmiðlar geta haft samband við hann.
Merki Visku
Merki Visku eru til í alskonar útgáfum og best er að senda tölvupóst á gauti@viska.is og óska eftir merki Visku.
Hönnunarstaðall og ljósmyndir
Til þess að fá aðgang að hönnunarstaðli eða ljósmyndir vinsamlegast sendu póst á gauti@viska.is
Formaður Visku
Formaður Visku er Brynhildur Heiðar- og Ómarsdóttir (brynhildur@viska.is) sem leiddi sameiningarviðræður í Visku fyrir hönd stéttarfélagsins Fræðagarðs. Brynhildur hefur langa reynslu af félagsstörfum. Hún starfaði sem framkvæmdastýra Kvenréttindafélags Íslands frá 2011 þar til hún var kosin til formennsku í Fræðagarði (nú Visku) og situr nú í stjórn Fjöruverðlaunanna – bókmenntaverðlauna kvenna og kvára á Íslandi.
Framkvæmdastjóri Visku
Georg Brynjarsson er framkvæmdastjóri Visku. Hann er hagfræðingur að mennt, hefur unnið fjölbreytt störf á sviði vinnumarkaðsmála og starfaði áður sem hagfræðingur BHM.
Georg er með netfangið georg@viska.is
Um Visku
Saga Visku hefst við sameiningu þriggja stéttarfélaga árið 2023, en upphaf félagsstarfsins má rekja til grósku verkalýðshreyfingarinnar á eftirstríðsárunum.
Í Visku sameinast fólk með fjölbreytta og ólíka menntun að baki. Viska vex hratt enda er það stéttarfélag sem endurspeglar framtíðina, samfélag þar sem fjölbreytileiki, þverfagleg vinnubrögð og nýsköpun á vinnumarkaði skipta máli.