Kjaradeild talmeinafræðinga
Kjaradeild talmeinafræðinga er ein af kjaradeildum Visku stéttarfélags og sinnir kjara- og réttindamálum félagsfólks sem hefur menntað sig eða stundar nám í talmeinafræði.
Aðför að samningsfrelsi heilbrigðisstétta
Viska og Félag talmeinafræðinga telja frumvarp til breytinga á lögum um Sjúkratryggingar Íslands aðför að samningsfrelsi heilbrigðisstétta. Bent er á að sjálfstætt starfandi talmeinafræðingar hafa setið verulega eftir í launaþróun síðustu ár. Þetta kemur fram í umsögn félaganna um breytingar á lögum um Sjúkratryggingar.
82% sjálfstætt starfandi talmeinafræðinga hafa litla trú á stjórnvöldum
82% sjálfstætt starfandi talmeinafræðinga segjast hafa litla trú á stjórnvöldum þegar kemur að því að stytta biðlista eftir talmeinaþjónustu á Íslandi. Rúmlega 70% sjálfstætt starfandi talmeinafræðinga eru þá óánægð með kjör sín og um 40% sem starfa á samningi við Sjúkratryggingar Íslands íhuga nú að hætta störfum. Stjórnvöld eru sögð leggja meiri áherslu á langar skýrslur um vanda talmeinaþjónustu en markvissar aðgerðir.
Yfirlýsing frá sjálfstætt starfandi heilbrigðisstarfsfólki
Sjálfstætt starfandi heilbrigðisfólk hefur sent frá sér yfirlýsingu um fyrirhugaðar breytingar stjórnvalda á lögum um sjúkratryggingar. Linda Björk Markúsardóttir, formaður kjaradeildar talmeinafræðinga hjá Visku, skrifar undir yfirlýsinguna.
Hlutverk kjaradeildar talmeinafræðinga
Kjaradeildir fylgjast með því að kjarasamningar á sínu fagsviði, starfsvettvangi eða landsvæði séu virtir og veitir stjórn Visku aðstoð við söfnun upplýsinga um kjör og stöðu félagsfólks.
Saga kjaradeildar talmeinafræðinga
Kjaradeild talmeinafræðinga er ein af kjaradeildum Visku stéttarfélags og sinnir kjara- og réttindamálum félagsfólks sem hefur menntað sig eða stundar nám í talmeinafræði.
Stjórn kjaradeildar talmeinafræðinga
Markmið stjórnarinnar er ávallt að standa vörð um hagsmuni félagsfólks deildarinnar, vinna að kjaramálum þess og tekur hún einnig þátt í samráði við aðrar kjaradeildir og félagsnet innan Visku og stéttarfélög innan BHM eftir þörfum.