Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Vinnuveitendur safna og vinna óhjákvæmilega með fjölbreyttar persónuupplýsingar um starfsfólk, allt frá umsóknum og ráðningu til daglegs reksturs, frammistöðumats, launavinnslu og starfsloka.
Slík vinnsla verður ávallt að byggjast á skýrum lagagrundvelli og fara fram í samræmi við meginreglur persónuverndar: gagnsæi, meðalhóf, öryggi, lágmörkun og tilgangsbundna vinnslu.
Vinnuveitendur bera samkvæmt persónuverndarlögum ríka ábyrgð á að tryggja að allri vinnslu persónuupplýsinga sé háttað á lögmætan, sanngjarnan og öruggan hátt. Starfsfólk á jafnframt víðtæk réttindi gagnvart vinnuveitanda, m.a. rétt til upplýsinga, aðgangs, leiðréttingar, takmörkunar vinnslu og í ákveðnum tilvikum eyðingar.
Vinnuveitendur mega aðeins afla þeirra upplýsinga sem hafa beina þýðingu fyrir starfið.
Óheimilt er að spyrja um m.a. hjúskaparstöðu, barneignaráform eða önnur atriði sem kunna að leiða til mismununar.
Starfsmannaskrár innihalda oft viðkvæmar upplýsingar.
Vinnuveitandi verður að tryggja:
Upplýsingum skal eytt þegar tilgangi er náð, nema lög krefjist lengri varðveislu (t.d. bókhaldsgögn).
Þegar vinnuveitandi vinnur með upplýsingar um fjarvistir, laun, veikindi eða fjölskylduaðstæður (t.d. veikindi barna) verður vinnslan að byggjast á:
Viðkvæmar heilsufarsupplýsingar njóta sérstakrar verndar og aðeins má vinna þær þegar skýr heimild er fyrir hendi.
Vinnuveitandi má aðeins óska eftir heilsufarsupplýsingum sem nauðsynlegar eru til að staðfesta óvinnufærni eða rétt á launum.
Óheimilt er að óska eftir greiningu, sjúkrasögu eða öðrum viðkvæmum atriðum.
Eftirlit með tölvum, netnotkun, símtækjum, öryggismyndavélum eða staðsetningartækjum er aðeins heimilt ef:
Vinnuveitandi ber ábyrgð á að meta og tilkynna öryggisbresti til Persónuverndar innan 72 klst. ef brotið gæti valdið skráðum einstaklingi áhættu.
Starfsfólki skal einnig tilkynnt ef brotið gæti haft veruleg áhrif á þeirra hagsmuni.
Gögn þessi koma frá BHM, seinast uppfærð 30. maí 2026.