Í BHM eru 23 aðildarfélög háskólamenntaðra sérfræðinga
Félagsfólk í aðildarfélögum BHM vinnur fjölbreytt störf á öllum sviðum samfélagsins, hjá hinu opinbera og í fyrirtækjum á almennum markaði. Í krafti fjöldans og fjölbreytninnar stendur BHM vörð um mikilvægi hugvits, sérfræðikunnáttu og menntunar.
Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Ríkið er stærsti vinnuveitandi landsins. Samkvæmt upplýsingum Fjársýslu ríkisins voru 29.139 stöðugildi á vegum ríkisins í árslok 2025. Þar með teljast störf hjá ríkisstofnunum og tilteknum opinberum félögum og stofnunum sem fjármagnaðar eru að verulegu leyti af ríkissjóði.
Sveitarfélögin eru einnig stórir vinnuveitendur. Reykjavíkurborg er þeirra stærst, en þar störfuðu rúmlega 11 þúsund einstaklingar samkvæmt launagögnum frá mars 2025. Stöðugildi í A-hluta borgarinnar voru að meðaltali 8.675 árið 2025. Meðal starfsfólks ríkis og sveitarfélaga er fjölmennur hópur háskólamenntaðra sérfræðinga sem gegna fjölbreyttum störfum í stjórnsýslu og opinberri þjónustu.
Ráðning starfsfólks ríkisins og starfsfólks sveitarfélaga telst vera ákvörðun um rétt eða skyldu manna í merkingu stjórnsýslulaga.
Við ráðningar í störf hjá hinu opinbera ber stjórnvöldum því að fylgja stjórnsýslulögum og almennum grundvallarreglum í stjórnsýslurétti um undirbúning ráðningar og mat á hæfni umsækjenda. Þar á meðal er sú óskráða regla, sem m.a. hefur mótast af úrlausnum dómstóla, að ráða beri þann hæfasta úr hópi umsækjenda miðað við þær kröfur sem gerðar eru í lögum, ef við á, auglýsingu og þau sjónarmið sem sá sem ræður í starfið ákveður að byggja á, sbr. álit umboðsmanns Alþingis í máli nr. 10135/2019.
Um ráðningarmál starfsfólks á almennum vinnumarkaði gilda almenn ákvæði kjarasamninga um gerð ráðningarsamnings, ákvæði laga um bann við mismunun á grundvelli kyns eða annarra þátta, og önnur almenn ákvæði vinnulöggjafarinnar. Ekki er skylt að auglýsa störf á hinum almenna vinnumarkaði laus til umsóknar.
Gögn þessi koma frá BHM, seinast uppfærð 27. október 2026.