Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Með snjallleit Visku getur þú nálgast allar upplýsingar á vefsíðu félagsins með einföldum og fljótlegum hætti.
Kjarasamningur Samtaka atvinnulífsins (SA) og aðildarfélaga BHM (kafli 3) tryggir stigvaxandi orlofsrétt miðað við starfsaldur og starfsgrein, sem í sumum tilvikum fer fram úr lágmarksréttindum samkvæmt orlofslögum.
Frá og með 1. maí 2025 vegna orlofs sem kemur til töku á orlofsárinu sem hefst 1. maí 2026 gildir eftirfarandi:
Áunninn réttur vegna starfa hjá sama fyrirtæki endurnýjast eftir tveggja ára starf hjá nýju fyrirtæki, enda hafi hann verið staðreyndur.
Starfsmaður sem hefur áunnið sér 30 daga orlofsrétt hjá fyrri atvinnurekanda fær hann að nýju eftir þrjú ár hjá nýjum atvinnurekanda, enda hafi rétturinn verið staðreyndur.
Starfsfólk ávinnur sér rétt orlofsréttindi á tímabilinu frá 1. maí til 30. apríl ár hvert.
Veita skal a.m.k. 20 daga orlof (fjórar vikur) á tímabilinu 2. maí – 15. september.
Þeir starfsmenn sem samkvæmt ósk atvinnurekanda fá ekki 20 orlofsdaga á sumarorlofstímabilinu eiga rétt á 25% álagi á þá daga sem vantar upp á 20 dagana.
Veikist starfsmaður í orlofi það alvarlega að hann geti ekki notið orlofs síns skal hann á fyrsta degi tilkynna það atvinnurekanda. Standi veikindin lengur en þrjá sólarhringa og leggi starfsmaður fram læknisvottorð á hann rétt á uppbótarorlofi jafnlangan tíma og veikindin vöruðu.
Uppbótarorlof skal eftir því sem kostur er veita á sumarorlofstímabilinu. Sömu reglur gilda um slys í orlofi.
Aðildarfélög BHM veita félagsfólki nánari upplýsingar um orlofsréttindi samkvæmt lögum og kjarasamningi SA og BHM, og samningum við önnur fyrirtæki og samtök atvinnurekenda á almennum vinnumarkaði.
Gögn þessi koma frá BHM, seinast uppfærð 30. maí 2026.