Viska og FÍN und­ir­rita vilja­yf­ir­lýs­ingu við Reykja­vík­ur­borg

Í upphafi árs gerðu félögin þarfagreiningu um húsnæðisöryggi félagsfólks. Niðurstöður bentu til þess að þörf og eftirspurn eftir húsnæði meðal félagsfólks sé mikil. Í könnuninni kom fram að 11% félagsfólks undir tekju- og eignaviðmið laga um almennar íbúðir og hafa 69% áhuga á að leigja af óhagnaðardrifnu húsnæðisfélagi. Þá sagði 90% félagsfólks sem er á leigumarkaði nær ómögulegt að eignast eigið húsnæði þrátt fyrir mikinn vilja og aðeins 35% telja líklegt að geta fengið hjálp frá foreldrum eða öðrum aðstandendum. Í könnuninni var mikill stuðningur eða 67% við að félögin myndu stofna óhagnaðardrifið leigufélag til að kaupa eða byggja almennar íbúðir.

Þann 24. mars síðastliðinn gerðu Viska og FÍN samkomulag um stofnun óhagnaðardrifins húsnæðisfélags, fyrst stéttarfélaga háskólamenntaðra. Samkomulagið markar tímamót fyrir húsnæðisöryggi háskólamenntaðra á vinnumarkaði, en eins og staðan er í dag hafa um 40 þúsund háskólamenntaðir utan ASÍ og BSRB ekkert aðgengi að slíkum úrræðum.

Í dag undirrituðu Brynhildur Heiðar- og Ómarsdóttir formaður Visku og Þorkell Heiðarsson formaður FÍN undir viljayfirlýsingu við Reykjavíkurborg um uppbyggingu á íbúðarhúsnæði á þróunarlóðum. Heiða Björk Hilmisdóttir borgarstjóri Reykjavíkurborgar undirritaði viljayfirlýsinguna fyrir hönd borgarinnar, hún sagðist fagna henni mjög og samstarfinu við félögin tvö.

F.v. Brynhildur Heiðar- og Ómarsdóttir formaður Visku, Heiða Björk Hilmisdóttir borgarstjóri Reykjavíkurborgar og Þorkell Heiðarsson formaður FÍN.