Viska aðstoðar við skil á skattframtali
Guðmundur St. Maríusson sér um námskeiðin og svarar fyrirspurnum félagsfólks. Guðmundur er sérfræðingur í skattamálum með áralanga reynslu í fjármálaráðgjöf.
Námskeiðin eru þrjú talsins og fara rafrænt fram á eftirfarandi tímum.
- Þriðjudaginn 3. mars kl. 16:00 – 17:00: Skattframtal launafólks.
- Mánudaginn 9. mars kl. 16:00 – 17:15: Skattframtal launafólks. Verktakagreiðslur og eyðublöð.
- Miðvikudaginn 11. mars kl. 16:00 – 17:30: Meðferð á verktakagreiðslum og eyðublöð.
Farið verður yfir mismunandi rekstrarform sem hentar verktökum og sjálfstætt starfandi. Þá verður farið yfir helstu atriði varðandi virðisaukaskatt.
- Á námskeiðunum verður m.a. farið yfir:
- Frádráttarliði og eyðublöð sem þarf að fylla út
- Útreikninga og niðurstöður álagningaseðils
- Reiknivélar á vef RSK
- Helstu tölur varðandi fjármagnstekjuskatt og tekjuskattsþrep
- Mismunandi rekstrarform, verktakar og sjálfstætt starfandi
- Virðisaukaskattur, helstu atriði.
Ef námskeið nægir ekki þá getur félagsfólk Visku bókað tíma í einstaklingsráðgjöf sem fer fram á 30 mínútna fjarfundi. Ráðgjöfin fer fram á tímabilinu 3. mars til 13. mars. Athugið að takmarkaður fjöldi tíma í einstaklingsráðgjöf er í boði.
Félagsfólk Visku hefur þegar fengið sendan tölvupóst með skráningarupplýsingum fyrir námskeiðin og einstaklingsráðgjöfina. Fyrir frekari fyrirspurnir er hægt að hafa samband við skrifstofu Visku.
Athugið að lokaskiladagur á skattframtali er föstudagurinn 13. mars.