Opið fyrir framboð til stjórnar kjaradeildar talmeinafræðinga í Visku
Opnað hefur verið fyrir framboð til stjórnar kjaradeildarinnar og er framboðsfrestur til og með 12. maí. Formaður er kosinn sér og stjórn sér í rafrænni kosningu sem fer fram samtímis. Athugið að til að stuðla að jafnri kynjaskiptingu þá er um fléttukosningu að ræða, sjá nánar í 10. gr. laga Visku.
Kosið er um:
- Formann til tveggja ára
- Tvo til fjóra aðalmenn til tveggja ára
Kosning fer fram dagana 13. til 18. maí en nánari upplýsingar um kosningu berast félagsfólki í kjaradeildinni síðar.
Tilkynning um framboð
Hægt er að bjóða sig fram með því að senda tölvupóst á viska@viska.is. Í tölvupóstinum skulu koma fram eftirfarandi upplýsingar:
- Nafn
- Kennitala
- Kyn frambjóðanda
- Starfstitill
- Mest 200 orð um frambjóðanda
- Hvort frambjóðandi sé að bjóða sig fram í stöðu formanns eða stjórnarmanns
Upplýsingar um frambjóðendur verða sendar á félaga í kjaradeild talmeinafræðinga. Frambjóðendum er heimilt að láta fylgja með krækjur á aukaefni til kynningar á sér vegna framboðs síns til stjórnar, t.d.:
- Kynningarbréf
- Vefsíða
- Samfélagsmiðlar
- Kynningarmyndband
- Frambjóðandi fær staðfestingu á móttöku á framboði sínu eins fljótt og auðið er.
Kjörgengi
Félagsfólk í Visku sem hefur menntað sig eða stundar nám í talmeinafræði og hefur innt af hendi a.m.k. eina greiðslu félagsgjalda á þriggja mánaða tímabili fyrir þann mánuð sem kosningar hefjast (í þessu tilviki maí) hefur bæði kjörgengi og atkvæðisrétt. Hægt er að kynna sér greiðslu félagsgjalda inni á "Mín Viska" undir flipanum „Iðgjöld“. Háskólanemar í talmeinafræði sem eru skráðir í félagið en eru ekki launafólk meðan á námi stendur hafa bæði kjörgengi og atkvæðisrétt.
Annað
Fyrir frekari fyrirspurnir er hægt að hafa samband við skrifstofu Visku.