Félagsfundur haldinn með starfsfólki Listaháskóla Íslands
Markmið fundarins var að fara yfir helstu mál sem snúa að kjörum og réttindum félagsfólks Visku og kynna niðurstöður greiningar félagsins á kjörum hjá starfsfólki skólans. Félag íslenskra hljómlistarmanna (FÍH) tók einnig þátt í fundinum ásamt Gunnari Hrafnssyni, formanni FÍH.
Brynhildur Heiðar- og Ómarsdóttir formaður Visku setti fundinn og bauð félagsfólk velkomið. Júlíana Guðmundsdóttir lögmaður Visku fór því næst yfir réttindi félagsfólks og þau atriði sem helst snúa að þeim. Að lokum kynnti Vilhjálmur Hilmarsson hagfræðingur Visku niðurstöður greiningarinnar. Greiningin bendir til að verulega halli á kjör starfsfólks skólans í samanburði við aðra háskóla á Íslandi.
„Launakjör starfsfólks LHÍ eru heilt yfir mun lakari en launakjör starfsfólks annarra háskóla á landinu samkvæmt mati Visku. Þetta er ósjálfbær staða til framtíðar því listir og menning eru ein af grunnstoðum samfélagsins. Viska mun á næstu misserum óska eftir þéttu samtali við hagaðila um hvernig bregðast á við stöðunni. Starfsfólk háskólans, hvort sem er í akademíunni eða stoðsviðum, á skilið að vera metið að verðleikum.“
