Boðað er til aðalfundar Visku
Félagar eru beðnir um að skrá sig á fundinn og hafa þegar fengið sent fundarboð í tölvupósti með krækju í skráningu. Ef félagi hefur ekki fengið sendan tölvupóst er hægt að hafa samband við skrifstofu Visku.
Dagskrá
Á dagskrá eru hefðbundin störf aðalfundar skv. lögum félagsins:
- Kosning fundarstjóra og fundarritara
- Skýrsla stjórnar kynnt
- Endurskoðaðir reikningar félagsins lagðir fram til samþykktar, sbr. 22. grein
- Ákvörðun um félagsgjöld, sbr. 5. grein
- Lagabreytingar, sbr. 26. grein
- Niðurstöður úr rafrænum kosningum til formanns og stjórnar kynntar, sbr. 10. grein
- Niðurstöður úr rafrænum kosningum í stjórnir kjaradeilda kynntar, sbr. 10 grein
- Önnur mál
Tillögur
Fyrir fundinn liggur eftirfarandi tillaga frá stjórn:
Tillaga að stofnun kjaradeildar talmeinafræðinga
Tillögur félagsfólks fyrir aðalfund skulu vera skriflegar og hafa borist stjórn eigi síðar en sjö sólarhringum fyrir fundinn. Hægt er að senda tillögur í pósti á viska@viska.is.
Fundargögn
Öll gögn fundarins, þar á meðal ársreikningur og skýrsla stjórnar, munu liggja fyrir í síðasta lagi 20. apríl á vefsíðu Visku.
Kosningar til stjórnar
Framboðsfrestur til stjórnarsetu í Visku var til og með 30. mars. Kosið er um þrjá stjórnarmenn til tveggja ára og tvo varamenn til eins árs. Þau þrjú sem eru efst í kjöri til stjórnar eru kosin til tveggja ára og næstu tvö þar á eftir eru varamenn til eins árs. Athugið að til að stuðla að jafnri kynjaskiptingu þá er um fléttukosningu að ræða, sjá nánar í 10. gr. laga Visku.
Ellefu aðilar skiluðu inn framboði og hefjast kosningar 12:00 á hádegi þann 9. apríl.
Hér má nálgast allar upplýsingar um frambjóðendur.
Fyrir frekari fyrirspurnir er hægt að hafa samband við skrifstofu Visku.