
Félagsnet
Félagsnet Visku vinna að því að styrkja stöðu þess félagsfólks sem tilheyrir þeim, efla tengslanet félagsfólks og stuðla að aukinni þekkingu og framþróun á sér- eða áhugasviði félagsfólks.
Félagsnet Visku
Félagsnet arkitekta
Lesa nánarStörf arkitekta spanna vítt svið, allt frá skipulagsgerð og hönnun mannvirkja til kennslu og rannsókna. Arkitektar í Visku geta skráð sig í félagsnet arkitekta.
Félagsnet djákna
Lesa nánarDjáknar eru vígðir af biskupi og sinna fjölþættri kærleiksþjónustu. Djáknar í Visku geta skráð sig í félagsnet djákna.
Félagsnet fjölskyldufræðinga
Lesa nánarFjölskyldumeðferð er árangursríkt meðferðarúrræði þar sem tekið er mið af fjölskyldunni sem heild og velferð hennar höfð að leiðarljósi. Fjölskyldufræðingar í Visku geta skráð sig í félagsnet fjölskyldufræðinga.
Félagsnet fræðafólks sem starfar sjálfstætt
Lesa nánarStarf fræðafólks er fjölbreytt, það stundar rannsóknir, stundakennslu, handritagerð, ljósvakamiðlun, meðal annars. Sjálfstætt starfandi fræðafólk í Visku getur skráð sig í félagsneti fræðafólks sem starfar sjálfstætt.
Félagsnet listmeðferðafræðinga
Lesa nánarListmeðferðarfræðingar veita meðferð sem byggir á sálfræðikenningum og myndsköpun. Listmeðferðarfræðingar í Visku geta skráð sig í félagsnet listmeðferðarfræðinga.
Félagsnet íþróttafræðinga
Lesa nánarÍþróttafræðingar hafa að leiðarljósi að bæta heilsu fólks, fyrirbyggja sjúkdóma og aðstoða einstaklinga við að ná bata eftir veikindi. Íþróttafræðingar í Visku geta skráð sig í félagsnet íþróttafræðinga.
Félagsnet myndlistafólks
Lesa nánarFélagsnet myndlistafólks heldur utan um félagsfólk Visku sem starfar við menningar- og skapandi greinar sem og myndlistafólk sem starfar við aðrar atvinnugreinar.
Félagsnet safnafólks
Lesa nánarSafnafólk er fólk sem starfar á söfnum landsins eða hefur menntað sig í safnafræðum. Safnafólk í Visku getur skráð sig í félagsnet safnafólks.
Félagsnet táknmálstúlka
Lesa nánarTáknmálstúlkar vinna við að túlka við allar aðstæður daglegs lífs. Táknmálstúlkar í Visku geta skráð sig í félagsnet táknmálstúlka.
Félagsnet talmeinafræðinga
Lesa nánarTalmeinafræðingar starfa í leikskólum, skólum, á sjúkrahúsum, endurhæfingarstöðvum, greiningarteymum og á eigin stofum. Talmeinafræðingar í Visku geta skráð sig í félagsnet talmeinafræðinga.
Félagsnet tómstunda- og félagsmálafræðinga og annars fagfólks í tómstundastarfi
Lesa nánarTómstundastarf gegnir mikilvægu menningar- og uppeldishlutverki í nútímasamfélagi. Fagfólk í tómstundastarfi í Visku geta skráð sig í félagsnet tómstunda- og félagsmálafræðinga og annars fagfólks í tómstundastarfi.

Skipulag og starfshættir
Félagsnet bera ábyrgð á innra skipulagi sínu, starfa í samræmi við starfsreglur sem stjórn félagsins setur þeim og eru stjórn til ráðgjafar. Fulltrúar félagsneta eiga sæti í fulltrúaráði Visku.

Fríðindi til félagsneta
Öflugt starf kjaradeilda og félagsneta skiptir miklu máli fyrir jafn fjölbreytt stéttarfélag og Viska er. Það gefur stjórnendum og starfsfólki félagsins færi á að skilja betur hagsmuni félagsfólks og virkjar einnig félagsfólk í þeirri mikilvægu hagsmunabaráttu sem félagið sinnir.
Félagsnet Visku eru hjartað í félagsstarfinu og einstakt tækifæri til að auka samráð félagsfólks og stjórnar. Ég hvet öll í Visku sem vilja til að hafa samband við okkur til að fræðast um hvernig þau geti starfað á vettvangi félagsneta.
