Starfs- og endurmenntun
Vegna sífelldra breytinga á vinnuumhverfi og verkefnum er mikilvægt að fólk geti stöðugt aflað sér nýrrar þekkingar og hæfni. Með símenntun getur fólk bætt stöðu sína á vinnumarkaði, aukið starfsöryggi sitt og starfsánægju. Félagsfólk Visku hefur aðgang að styrkjum sem stuðla að framþróun í starfi.
Starfsmenntunarsjóður
Að bæta við sig þekkingu getur skapað ný tækifæri og eflt fólk í starfi. Starfsmenntunarsjóður BHM aðstoðar og styrkir félaga til að endurmennta sig og sækja sér fræðslu með fjölbreyttum hætti.
Sjóðurinn styrkir félaga til náms og til að sækja einstök námskeið, ráðstefnur, málþing eða til að fara í fræðslu- og kynnisferðir innanlands eða utan. Verkefnin þurfa almennt að varða fagsvið eða starf þeirra sem sækja um.
Kynntu þér styrki úr starfsmenntunarsjóðnum hér.
Allt félagsfólk sem greitt hefur í starfsmenntunarsjóð BHM í sex mánuði, þar af þrjá mánuði samfellt, á rétt á styrkjum.
Umsóknum og fylgigögnum er skilað rafrænt á Mínum síðum.

Starfsþróunarsetur háskólamanna
Hlutverk Starfsþróunarseturs háskólamanna er að stuðla að framgangi félagsfólks aðildarfélaga BHM sem aðild eiga að setrinu og markvissri starfsþróun stofnana.
Starfsþróunarsetrið veitir styrki til einstaklinga og stofnana vegna náms, námskeiða, ráðstefna og annarra verkefna sem tengjast starfsþróun.
Kynntu þér styrki úr starfsþróunarsetrinu hér.
Allt félagsfólk sem starfar á opinberum vinnumarkaði (ríki eða sveitarfélagi) og greitt hefur í einn mánuð á rétt á styrkjum. Allt félagsfólk sem starfar á almennum vinnumarkaði og greitt hefur í sex mánuði, þar af þrjá mánuði samfellt, á rétt á styrkjum.
Umsóknum og fylgigögnum er skilað rafrænt á Mínum síðum.
