Eð­vald Ein­ar Stef­áns­son

Ég hef starfað á mjög fámennum vinnustað og starfa nú á Landspítalanum sem er einn sá fjölmennasta þannig að ég hef góða innsýn í ólíkar aðstæður á vinnumarkaði. Reynslan hefur kennt mér að þó vinnuumhverfi sé mismunandi, þá er grunnþörfin sú sama, sanngjörn kjör, skýr réttindi og traustur stuðningur þegar á reynir.

Ég hef verið opinber starfsmaður í rúm 20 ár og verið í stjórn Visku frá stofnun félagsins og  hef á þeim tíma kynnst mikilvægi öflugrar hagsmunagæslu og faglegra vinnubragða. Ég brenn fyrir kjaramálum og réttindum háskólamenntaðra á vinnumarkaði og vil halda áfram að leggja mitt af mörkum til að þau mál séu ávallt í forgrunni.

Ég tel að stéttarfélag eigi ekki aðeins að standa sterkt í samningum, heldur einnig að veita góða, aðgengilega og trausta þjónustu. Félagsfólk á að geta treyst því að fá faglega ráðgjöf og stuðning þegar á reynir og að félagið tali fyrir þeirra hagsmunum í samfélaginu.

Ég vil halda áfram að vinna af ábyrgð, festu og heiðarleika fyrir hagsmunum félagsfólks Visku og treysti á þinn stuðning.