Opið fyrir framboð til stjórnar
Kosið er um:
- Formann til fjögurra ára
- Þrjá stjórnarmenn til tveggja ára
- Þrjá stjórnarmenn til eins árs
- Tvo varamenn til eins árs
Formaður er kosinn sér og stjórn sér. Þau þrjú sem eru efst í stjórnarkjöri skulu kosin til tveggja ára, næstu þrjú til eins árs og næstu tvö þar á eftir eru varamenn til eins árs. Athugið að til að stuðla að jafnri kynjaskiptingu þá er um fléttukosningu að ræða, sjá nánar í 10. gr. laga Visku.
Tilkynning um framboð
Hægt er að bjóða sig fram með því að senda tölvupóst á viska@viska.is. Í tölvupóstinum skulu koma fram eftirfarandi upplýsingar:
- Nafn
- Kennitala
- Kyn frambjóðanda
- Starfstitill
- Mest 200 orð um frambjóðanda
- Hvort frambjóðandi sé að bjóða sig fram í stöðu formanns eða stjórnarmanns
Upplýsingar um frambjóðendur verða birtar á vef Visku. Frambjóðendum er heimilt að láta fylgja með krækjur á aukaefni til kynningar á sér vegna framboðs síns til stjórnar, t.d.:
- Kynningarbréf
- Vefsíða
- Samfélagsmiðlar
- Kynningarmyndband
Frambjóðandi fær staðfestingu á móttöku á framboði sínu eins fljótt og auðið er.
Kjörgengi
Félagsfólk sem innt hefur af hendi a.m.k. eina greiðslu félagsgjalda á þriggja mánaða tímabili fyrir þann mánuð sem kosningar hefjast í (í þessu tilviki apríl) hefur bæði kjörgengi og atkvæðisrétt. Hægt er að kynna sér greiðslu félagsgjalda inni á "Mín Viska" undir flipanum „Iðgjöld“. Háskólanemar sem eru skráðir í félagið en eru ekki launafólk meðan á námi stendur hafa bæði kjörgengi og atkvæðisrétt.
Fyrir frekari fyrirspurnir er hægt að hafa samband við skrifstofu Visku.