Greiðslur úr vísindasjóði Visku
Á almenna vinnumarkaðnum er aðild að vísindasjóði valkvæð, en greitt er fyrir allt félagsfólk sem starfar hjá sveitarfélögum. Félagsfólk sem starfar hjá ríkinu á ekki lengur aðild að vísindasjóðnum, þar sem framlag vinnuveitanda í sjóðinn var afnumið í kjarasamningum árið 2008. Í staðinn var launatafla hækkuð um tvö prósent.
Styrkupphæðin miðast við innborgun í vísindasjóð á tímabilinu 1. janúar til 31. desember, þar sem vinnuveitandi greiðir hlutfall af dagvinnulaunum í sjóðinn. Félagsfólk sem hefur greitt í vísindasjóð fær úthlutað úr sjóðnum í febrúar ár hvert. Ekki þarf að sækja sérstaklega um úthlutun og félagsfólk fær tilkynningu í tölvupósti þegar greiðslan hefur átt sér stað.
Til þess að athuga hvort þú eigir rétt á greiðslum úr vísindasjóði þá getur þú skráð þig inn á Mín Viska og valið flipann Iðgjöld. Á Mín Viska er einnig hægt að breyta eða slá inn bankaupplýsingar undir Mínar upplýsingar fyrir útgreiðslur.
Mótframlag í vísindasjóð
· Reykjavíkurborg 1,6% af dagvinnulaunum
· Önnur sveitarfélög en Reykjavíkurborg 1,5% af dagvinnulaunum
· Almennur vinnumarkaður 1,5% af dagvinnulaunum